|
الشعب اللبناني
صارلو الشعب اللبناني 30 سنة بعاني(2)
العمبعاني من حاله ومن حكامه الي قباله
ومن جاره الفوقاني ومن جاره التحتاني
الله بعون اللبناني
*******
هالسياسي الي حاكم من خيرة القوادم(2)
اللقمة بيقسمها بالنص كول شكور وأوعى تغص
فيفتي فيفتي خليها عالأخوة ربيها
حوسة والله حرزانة
*******
طحنوا الشعب اللبناني قرفان عمالبعاني(2)
الله يرحم الي مات الحرية والكرامات(2)
السيادة والاستقلال البركة وراحة البال
الاخلاق والصداقه واحكام البراءة
والقضاء اللبناني
*******
عجنوا الشعب اللبناني 30 سنة بعاني(2)
وهالنواب الي عنا إطلب بس واتمنى(2)
كم واحد شعبه يمثل الباقي عالشعب يمثل
ومينويه يخافوا لالله يخافوا من الجارة البره
سيد نفسة تعباني
*******
حرقوا الشعب اللبناني 30 سنة بعاني(2)
الديمقراطيه مطية ركبوها المكاريه (2)
وهالمكاري بكاري والداري منو داري
وقد ما بدك مجالس ولا واحد منهن جالس
غير خازوق اللبناني
*******
قام الشعب اللبناني بدو يحاسب الجاني
كل الشعب اللبناني توحد بدو لبنانى(2)
توحد بدو الاستقلال السيادة وراحة البال
توحد بدو الحرية انتفاضة مدوية
اليوم استقلال التاني
2005
باريس 20/02/2005 | 
