|
لازمة: عالبدا الهيئة بدا وهالبناية شو بدا وان ما اتفقوا سكانها بالطيارة لنهدا
*************
بدا شي شوية حوار مش طبخة بحص عالنار والله يرحم المختار ما الدني هيك بدا
*************
بدا ثقلي بطاطا قبالو شي جاط سلاطه ما صرنا عالبلاطه والعالم مش عم تتهدا
*************
يدا تطلع سيارة وما تركب غير طيارة وهيدي الفاكرها حمارة مش قادر تعمل قدا
*************
الداخلية مزبولة والخارجية مهمولة بدها شوية عمولة بس كرامة ما بدا
*************
بدا شوية انارة وتخفف من الخسارة و لتشعشع العمارة بدا مازوت نمدا
*************
بدا شوية نضافة استقامة بالعافة وتكف ايدا الكفافة واكتر من هيك ما بدا
*************
بدها تعمل عزيمة فرنكو فية عظيمة وتعمل نتفة من القيمة ما الماما هيك بدا
*************
بدا عملية فتاء وبدا تعمل استفتاء تغير الي صاروا عتاء وبس التاتا ما بدا
*************
بدا 10 سيلوير وساعة شي الف اومبير وبدا تحلبه للطير بس العيلة ما بدا
*************
بدا تلاقي رقاصة توقفلا المحاصصة وتوصفلا شي مصاصة وتكون عالقد عقدا
بدا من اما شقفة وبدا من اختا نقفة وبدا من حالها وقفة ومين بعد فيه يردا
باريس17/10/2001 | 
