لازمة: ملعن ملعونا وملعن ملعونا في اختي صاصي بغني اعذرونا
**********************
وملعن ملعونا وباختصاصي بغني وبعلق تعليق سي قاسي
لحتى عنا رجال السياسة تشوفو لهالجذع الفايت بعيونا
*
ملعن ملعونا هالاختي صاصي ركبة مركوبا رجال السياسة
ترويكا بالروسي من دون دواسة راكب عربية يتلات حصونا
*
ملعن ملعونا ضيعنا الطاسي الواني صارت اسود ورصاصي
تمنيت عيوني تطلع من راسي حتي ما شوفن ولا يشوفونا
*
الازمة اللي عنا اقتصادية معلق مصرانا بازمة سياسية
حتى نحلحلها لنه شي شوية بدنا حوار مش بالكرشونا
*
ملعن ملعونا مصيبتنا مصيبة طول عمرها العودة بهالزبيبة
تاختي صاصة ترجع حبيبة مع السلامة يالشرفونا (كل مين بدارو احلا ما يكونا)
*
كل مين بدارو وايدو بزنارو راسو مرتاح وعميرعى حمارو
لا قال وقيل ولا غطو وطارو ولا ركبنا عليهن ولا هن ركبونا
*
ما تخافوا تحكوا بالطائفية محمد مارون على الهوية
هيدي مش علة شعلة غنية رسالة محبة لكل الكونا
*
ملعن ملعونا بعيد الميلادي بدي اعطيكم سر السعادة
استقلال سيادة حرية زيادة حكمة اكيدة وفرحة مضمونا
*
وشوفوا بن بوش وشوفوا بن لادن كل واحد عمل يعرض مفاتن
حرب جديدة USA MADE IN الله ينجينا من هالمجنونا
باريس 09/10/2001 |