|
يلا يا لبنانية بالصف اصطفوا شوي بكل ما بصف بتاكل كف بياكل ابنك عشية
*******
تاهب وانتظم بصف الطحين
ومكانك راوح بصف البنزين
وصف عاليمين وصف عاليسار
وبصف المعابر قضي الليل والنهار
*******
كل ليلة في عندك جلسة اخبار
وبتعصر التصريحات وبتصفصف افكار
وبتسمع الدولار غط ولا طار
وعلى الحالتين بتغلا الاسعار
*******
واللحمة بتسمم وبتقضي عليك
واوعي تشطط عالبحر بضووا اجريك
لانه تشرنوبيل هاجم متل الفيل
وفاتورة المستشفي بتكفي عليك
*******
وعالموعد يا عيوني كل ست سنين
وما بتعرف بايلول الكرسي لمين
وانشالله يكون فعال ويبيد الاحتلال
ويرجع للبنان كل الاسثقلال
بيروت 19 .06 1988
| 
